Үйл явдал
Үйл явдалbyByambajargal

АРТИШОК –Эрдэм шинжилгээ, инноваци -2026 сэдэвт үндэсний эрдэм шинжилгээний хурал зохион байгуулагдлаа.

Хүнсний эрдэм шинжилгээ, судалгааны хүрээлэн, “Газар шим” үйлдвэр ХК, ШУТИС, ХААИС, “Хүнсний хувьсгал” ТББ, “Экологи хөгжил” ТББ, Шинэ анагаах ухааны их сургууль, Монголын хүнсчдийн холбоо хамтран уг хурлыг зохион байгууллаа. Тус арга хэмжээ нь Монгол Улсад артишок ургамлыг шинжлэх ухаан, инноваци, оюуны өмчийн баталгаажуулалттай уялдуулан үйлдвэрлэлд нэвтрүүлж буй бодит үр дүнг харуулсан онцгой ач холбогдолтой боллоо.

Анх 2014 онд Артишокийн эрдэм шинжилгээний бага хурлыг АШУҮИС зохион байгуулж байсан бол “Артишок – Эрдэм шинжилгээ, инноваци 2026” сэдэвт энэхүү хурал нь тухайн үеэс эхтэй судалгаа, туршилтын ажлуудын үргэлжлэл болж байна. Өнөөдрийн хурал нь артишокийн судалгааг лабораторийн түвшнээс бодит бүтээгдэхүүн, хэрэглээний инновацид амжилттай шилжүүлснийг тодорхой харууллаа.Хүнсний Эрдэм шинжилгээ, судалгааны хүрээлэн, их, дээд сургууль, судалгааны байгууллагууд болон үйлдвэрлэлийн салбарын төлөөлөл хамтран оролцож, артишок ургамлын Монгол орны нөхцөлд нутагшилт, түүний найрлагад агуулагдах биологийн идэвхт нэгдлүүд болон эмийн үйлдэл нь Монголд нутагшсан тарималд бүрэн хадгалагдаж байгааг шинжлэх ухааны үндэслэлтэйгээр нотоллоо. Мөн артишокийг хүний эрүүл мэндийг дэмжих, аливаа өвчлөлөөс урьдчилан сэргийлэх ач холбогдол бүхий зохицуулах үйлчилгээтэй хүнс, хүнсний нэмэлт бүтээгдэхүүн хэлбэрээр хэрэглээнд нэвтрүүлэх боломж, функциональ хүнсний хэрэглээний талаар өргөн хүрээнд хэлэлцэв.

Тус хурлын хүрээнд “Газар шим” үйлдвэр ХК нь “Артишок Монголд” төслийг амжилттай хэрэгжүүлж, артишокийн судалгаанд суурилсан эрүүл мэндийн ундаа, функциональ бүтээгдэхүүнийг оюуны өмчөөр хамгаалагдсан найрлага, технологид тулгуурлан хөгжүүлж буй бодит үр дүнг танилцууллаа. Судалгааны үр дүнг инноваци болгон үйлдвэрлэлд нэвтрүүлж, улмаар хэрэглэгчдийн өдөр тутмын хэрэглээнд хүргэж буй нь энэхүү хурлын онцлох ач холбогдол байв.

Артишок ургамалд агуулагдах цинарин, полифенол, антиоксидант зэрэг биологийн идэвхт нэгдлийг бүрэн хадгалсан “Артишок” эрүүл мэндийн ундаа нь элэгний үйл ажиллагаа, бодисын солилцоог дэмжих, бие махбодын хордлогыг тайлах зэрэг эерэг нөлөөгөөрөө хэрэглэгчдийн талархлыг хүлээн, өндөр үнэлгээ авч байна. Энэхүү бүтээгдэхүүн нь инноваци гэдэг ойлголт зөвхөн шинэ санаанд бус, бодит бүтээгдэхүүн, бодит хэрэглээ, бодит нийгмийн үр өгөөжид чиглэдгийг тод жишээгээр харуулж байна.

Цаашид “Газар шим” үйлдвэр ХК нь артишокийн суурьтай бүтээгдэхүүний нэр төрлийг нэмэгдүүлж, судалгаа–туршилт–үйлдвэрлэлийн уялдааг улам гүнзгийрүүлэхийн зэрэгцээ нийгмийн эрүүл мэндийг дэмжих үндэсний инновацийн бүтээгдэхүүнийг хөгжүүлэхээр зорьж байна. Тухайлбал, хүүхэд, залуучуудад зориулсан шинэлэг савлагаа, хэрэглээнд нийцсэн шинэ бүтээгдэхүүнийг ойрын хугацаанд зах зээлд нэвтрүүлэхээр ажиллаж байна.

Мөн тус хурлын хүрээнд:

  1. Артишок (cynara scolymus l.) таримлыг нутагшуулах судалгаа ба хүнсний үйлдвэрлэлд ашиглах боломжийн үнэлгээ
  2. Артишок (cynara scolymus)-ыг тариалах агортехникийн зарим асуудлыг судалсан дүн
  3. Артишокийн биологийн идэвх ба химийн найрлагын судалгааны зарим дүн
  4. Артишокийн эм судлалын үйлдэл ба эм, биологийн идэвхт бүтээгдэхүүн
  5. Чихрийн шижингийн эмгэг загвар дээр тарималжуулсан Артишок (cynara scolymus l.)-ийн нөлөөг бөөрний үйл ажиллагаагаар төлөөлүүлэн судалсан дүн
  6. Функциональ хүнсний шинэ ургамлын (артишокийн жишээн дээр) инновац, оюуны өмчийн баталгаажуулалт, үндэсний хүнсний бодлоготой уялдуулсан хөгжлийн туршлага
  7. Артишокийн үнэ цэнийн сүлжээ: Тариалалтаас эрүүл мэндийн инновацийн бүтээгдэхүүн хөгжүүлэлт гэсэн сэдвийн хүрээнд илтгэл тавигдсан юм.

Хамтран ажилласан та бүхэнд гүн талархал илэрхийлье.

Газрын шимээр амьдралд амт нэмнэ.

Бусад
БусадbyByambajargal

Хүний нөөцийн ESG

Газар шим компани нь  Байгаль орчин, Нийгэм, Засаглал-ESG (Environmental, Social, Governance) гэрчилгээний хүрээнд байгууллагын тогтвортой хөгжил, нийгмийн хариуцлага, засаглалын бодлогыг хэрэгүүлж ажилладаг. Үүний Social (Нийгэм) хэсэг нь хүний нөөцийн бодлого, ажилтны хөгжил, аюулгүй ажлын орчин, тэгш боломж, тогтвортой ажлын байр зэрэг үзүүлэлтүүдтэй шууд холбоотой.Хүний нөөцийн мэдээллийн хүрээнд:

  • Environmental (Байгаль орчин):Нүүрс төрөгчийн ул мөр бууруулах, ногоон санаачлага хэрэгжүүлсэн эсэх
  • Social (Нийгэм):Хүний нөөц мэргэжилэний сайн сайхан байдал, олон талт оролцоог дэмжсэн бодлого
  • Governance (Засаглал): Ил тод байдал, ёс зүй, хариуцлагатай удирдлагын бүтэцтэй эсэх
  • Сүүлийн 1 жилийн хугацаанд ESG хүрээнд хэрэгжүүлсэн бодит санаачилга, үр дүн, нөлөөлөл
  • Засаглал: Ил тод байдал, ёс зүй, хариуцлагатай байдал, хариуцлагатай удирдлагын бүтэцтэй эсэх

Манай компани нь нийгмийн хариуцлагын хүрээнд ус цэвэршүүлэх байгууламжыг 2025 онд ашиглалтанд оруулаад үйл ажиллагаа явуулж байна. Үйлдвэрийн үйл ажиллагаанаас гарах бохир усыг механик, биологийн болон химийн аргаар цэвэрлэж, стандартын шаардлага хангасан байдлаар гадагшлуулах зориулалттай дэд бүтэц юм. Энэхүү байгууламж нь байгаль орчны нөлөөллийг бууруулж, усны нөөцийг хамгаалах, хог хаягдлын менежментийг сайжруулахад чухал ач холбогдолтой.​ Мөн түүнчлэнолон талт байдал, тэгш оролцоог хангах зорилгоор хүйс, нас, хөгжлийн бэрхшээлтэй иргэдийг ялгаварлан гадуурхахгүй байх дотоод журам баталж, ажилд авах, албан тушаал дэвшүүлэх үйл явцыг ил тод, тэгш боломжид суурилсан байдлаар зохион байгуулсан. Ажилтнуудын санал, оролцоог нэмэгдүүлэх зорилгоор дотоод санал асуулга, уулзалт тогтмол зохион байгуулж, удирдлага–ажилтны харилцааг сайжруулсан.

Бусад
БусадbyByambajargal

ГАЗАР ШИМ ҮЙЛДВЭР ХК “ЭДИЙН ЗАСГИЙН НОГООН ШИЛЖИЛТ”‘-ИЙН ХҮРЭЭНД БОНЗ/ESG ГЭРЧИЛГЭЭГ ГАРДАН АВСАН АНХДАГЧ КОМПАНИУДЫН НЭГ БОЛЛОО.

Манай компани Европын Холбооны SWITCH–Asia хөтөлбөрийн санхүүжилттэй “Эдийн Засгийн Ногоон Шилжилт” төсөлтэй хамтран ажиллаж, Монгол Улсын анхны байгаль орчин, нийгэм,засаглал буюу БОНЗ-н гэрчилгээтэй үйлдвэрлэгчдийн нэг болж байна.

The current image has no alternative text. The file name is: DSC04439-scaled.jpg

Хөтөлбөрийг Пипл Ин Нийд ОУТББ (PIN), Монголын Тогтвортой Санхүүжилтийн Холбоо ТББ (ТоС Холбоо), Хөгжлийн шийдэл ТББ болон Каритас Чех Репаблик ОУТББ (CCR) хамтран хэрэгжүүлсэн бөгөөд

Төслийн хүрээнд манай компани нь:

• Менежментийн хүрээнд ТоС Холбооноос баталсан Байгаль орчин, Нийгэм, Засаглал, Хүнсний аюулгүй байдлын Удирдлагын тогтолцооны TOC ESG Assessment: 2025

• TQCSI аудитын байгууллагын Байгаль орчин, Нийгэм, Засаглалын менежментийн системийн TQCSI ESG Code:2024

• Артишок ундааны 4 төрөлд ТоС Холбооноос баталсан Байгаль орчин, Нийгэм, Засаглал, Хүнсний аюулгүй байдлын бүтээгдэхүүний Тогтвортой байдлын үнэлгээ ToC Assessment ESG-CS01:2025 баталгаажуулалтын гэрчилгээг тус тус гардан авлаа.

Энэхүү гэрчилгээ нь Газар шим үйлдвэр ХК-н байгаль орчны аюулгүй байдал болон урьдчилсан сэргийлэх бодлого мөн нийгмийн хариуцлагын бодлого, олон нийтийн харилцаа, хүний эрх, хөдөлмөрийн стандартад хамарсан бодлого засаглалын хүчин чадлыг баталсан болно.

Газар шим үйлдвэр ХК-ийн хувьд Эдийн засгийн ногоон шилжилтийн шалгуурт нийцүүлэн менежмент болон бүтээгдэхүүний сайжруулалт болон салбартаа шинэ хөгжлийг бий болгосон. Энэ нь манай компанийн хувьд салбартаа нөлөөлөх томоохон ололт боллоо. Уг гэрчилгээний нөлөөлөх хүрээ нь байгаль орчны үзүүлэлт мөн нийгэм ажилтны эрх үүрэг, аюулгүй ажлын орчин, тэгш байдлын боломж, засаглалын нөлөөлөлд хамаарна.

Бид энэхүү гэрчилгээгээ улам бататган менежмент тогтолцоо, чанарын аюулгүй байдлыг сайжруулан ажиллах болно.

Газрын шимээр амьдралд амт нэмнэ.

Бусад
БусадbyByambajargal

Үйлдвэртэй танилцах аялалаар ПУТОНХУА сургуулийн сурагчид хүрэлцэн ирлээ

Газар шим үйлдвэр ХК-ийн зүгээс нийгмийн хариуцлагын хүрээнд боловсролын байгууллагуудын сурагчдад зориулсан Үйлдвэртэй танилцах аялалд энэ удаа Путонхуа сургуулийн сурагчид 2025 оны 10-р сарын 21-ны өдөр бүтээгдэхүүн үйлдвэрлэл, чанар хяналтын процесс, түүхий эдээс эхлээд бэлэн бүтээгдэхүүн хүртэлх процесстой танилцсан юм.

Аялалын үеэр сурагчдад бүтээгдэхүүний амталгаа хийж, хөгжөөнт тэмцээн, асуулт хариултын уралдаан зохион байгуулж авъяас чадвар, мэдлэг ухаанаараа өрсөлдөж амжилттай оролцож Газар шимийн зүгээс байр эзэлсэн сурагчдад талархал илэрхийлж бүтээгдэхүүн худалдан авах эрхийн бичиг-ээр урамшууллаа.

Энэхүү ажлын хүрээнд сурагчдад компанийн үйл ажиллагааг танилцуулж, тэдэнд тодорхой хэмжээний мэдлэг, туршлага олгосондоо бид баяртай байна.
Уг арга хэмжээ нь сурагчдад хүнсний үйлдвэрийн үйл явц, технологийн талаар бодит ойлголт өгөхөөс гадна эх орондоо үйлдвэрлэж буй чанартай бүтээгдэхүүний үнэ цэнийг ойлгох, үндэсний үйлдвэрлэлд итгэх хандлагыг төлөвшүүлэхэд чиглэсэн юм.

Хүрэлцэн ирсэн Путонхуа сургуулийн сурагчид болон багш нартаа талархал илэрхийлье.

Газрын шимээр амьдралд амт нэмнэ.

Үйл явдал
Үйл явдалbyByambajargal

Газар шим үйлдвэр ХК Төв аймгийн Батсүмбэр сумын Ахмадын үндэсний төвийн ахмадад Ахмадын баярыг тохиолдуулан гарын бэлэг гардуулж, баяр хүргэлээ.

The current image has no alternative text. The file name is: DSC08509-1.png

2025 оны 10-р сарын 01, Ахмадын баярын өдрийг тохиолдуулан “Газар шим үйлдвэр” ХК нь нийгмийн хариуцлагын хүрээнд Төв аймгийн Батсүмбэр сумын Ахмадын үндэсний төвийн 210 ахмад настанд сэтгэлийн бэлгээ гардууллаа.

Энэхүү арга хэмжээний хүрээнд ахмадуудад 65инчийн зурагт, асаргаа, эрүүл ахуйнд шаардагдах ахуйн хэрэглээний зүйлс, мөн Газаршим брэндийн хүнсний бүтээгдэхүүнүүд-ийг гардуулсан юм.

Уг сайн үйлсийн аян нь ахмад үеийнхнийг чөлөөт цагаа таатай өнгөрүүлэх, эрүүл ахуй, амьдралын чанарыг дэмжих зорилготой бөгөөд “Газар шим “ компанийн хувьд нийгмийн сайн, сайхны төлөө тасралтгүй хувь нэмрээ оруулах, ахмад үеийнхэндээ хүндэтгэл үзүүлж, тэдэндээ тусалж, халамжлах нийгмийн хариуцлагын нэгэн илэрхийлэл боллоо.

“Газаршим” ХК нь нийгмийн сайн сайхны төлөөх хариуцлагатай үйлсээ хэрэгжүүлж,ахмад үеийнхэндээ талархлын сэтгэлээ илэрхийлэхэд туслалцаа үзүүлсэн Ахмадын үндэсний төвийн хамт олонд гүн талархал илэрхийлж байна.

Газрын шимээр амьдралд амт нэмнэ.

Үйл явдал
Үйл явдалbyByambajargal

“Газар шим үйлдвэр” ХК- Ногоон ирээдүйн төлөө мод тарих нийгмийн ажилд нэгдлээ.

“Газар шим үйлдвэр” ХК нийгмийн хариуцлага, байгаль орчны менежментийн төлөвлөгөөний хүрээнд байгаль орчныг хамгаалах, ногоон орчныг нэмэгдүүлэх зорилгоор мод тарих үйл ажиллагаа зохион байгууллаа.

The current image has no alternative text. The file name is: Мод-scaled.jpg

Энэхүү арга хэмжээний хүрээнд компанийн хамт олон нэгдэж, байгаль дэлхийдээ хувь нэмэр оруулах зорилгоор Баянгол дүүргийн цэцэрлэгт хүрээлэнд Монос, Голтбор модыг амжилттай суулгалаа.

“Газар шим” компанийн хувьд энэхүү үйл ажиллагаа нь зөвхөн мод тарих төдий бус, экологийн тэнцвэрийг хадгалах, уур амьсгалын өөрчлөлтийг бууруулах, ирээдүй үеийнхэндээ ногоон орчин өвлүүлэх эрхэм зорилготой сайн үйлсийн нэг хэсэг байлаа.

“Газар шим үйлдвэр” ХК нь цаашид ч байгаль хамгааллын чиглэлээр тогтвортой хөгжил, ногоон санаачилга бүхий төслүүдийг хэрэгжүүлж, нийгмийн сайн сайхны төлөөх үйлсээ үргэлжлүүлэх болно. 🌿

Газрын шимээр амьдралд амт нэмнэ.

Үйл явдал
Үйл явдалbyByambajargal

Шимтэй Ирээдүй -Сайн Үйлсийн Аян

“Газар шим үйлдвэр” ХК “Шимтэй Ирээдүй” сайн үйлсийн аянаар сурагч хүүхдүүдэд урам зориг түгээв.

The current image has no alternative text. The file name is: 2-29.png

“Газар шим үйлдвэр” ХК нийгмийн хариуцлагын хүрээнд хичээлийн шинэ жилийг тохиолдуулан “Шимтэй Ирээдүй — Сайн Үйлсийн Аян”-аа хэрэгжүүлж, сургуулийн насны хүүхдүүдэд чиглэсэн сэтгэл шингэсэн үйл ажиллагааг зохион байгууллаа.Аяны хүрээнд сурагчдыг “Газар шим” компанийн үйлдвэрийн үйл ажиллагаатай танилцуулах аялалд урьж, бүтээгдэхүүн хэрхэн үйлдвэрлэгддэгийг газар дээр нь үзүүлэн, эрүүл хүнс, зөв хооллолтын ач холбогдлын талаар танилцуулга хийсэн юм.

Мөн тус өдөр сурагч хүүхдүүдийг халуун хоолоор дайлж, ирээдүйн боловсролд нь дэмжлэг үзүүлэх зорилгоор хичээлийн хэрэгсэл, цүнх, дүрэмт хувцасны иж бүрэн багц бэлэг болгон гардууллаа.

Энэхүү арга хэмжээ нь хүүхэд багачуудын боловсрол, эрдэм мэдлэгт анхаарах, тэдэнд урам зориг, итгэл дүүрэн ирээдүйг бэлэглэх зорилготой байв.

“Газар шим үйлдвэр” ХК нь цаашид ч “Шимтэй Ирээдүй” аяны хүрээнд нийгмийн сайн сайхны төлөөх олон талт төсөл, хөтөлбөрүүдийг хэрэгжүүлж, ирээдүй хойч үеэ дэмжих үйлсийг үргэлжлүүлэхээ илэрхийлж байна. 🌿

Газрын шимээр амьдралд амт нэмнэ.

Үйл явдал
Үйл явдалbyByambajargal

ҮЙЛДВЭРТЭЙ ТАНИЛЦАХ АЯЛАЛ

Газар шим үйлдвэр ХК-н хувьцаа эзэмшигчдийн төлөөлөл манай  компанийн гол цөм болох үйлдвэрлэлийн үйл ажиллагаатай танилцлаа. 

2025.06.26-ны өдөр манай компанийн бүтээгдэхүүн үйлдвэрлэлийн шат дамжлага, бүтээгдэхүүн бүр хэрхэн боловсруулагдаж, чанарын хяналт хэрхэн явагддаг, Үйлдвэрийн дэвшилтэт тоног төхөөрөмж, шинэчилсэн шугам, хөдөлмөр аюулгүй байдлын бодлого зэргийг танилцуулсан ба ажилтнуудын өдөр тутмын үйл ажиллагаа, ажлын орчин нөхцөлтэй танилцаж, тэдний сэтгэл ханамж, оролцооны талаар сонирхлоо. 
Компанийн дунд болон урт хугацааны стратеги, өсөлтийн чиг хандлага, хөрөнгө оруулалтын төлөвлөгөөг удирдлагууд танилцуулж, шинэ бүтээгдэхүүний амталгаа хийж бүтээгдэхүүний давуу тал, онцлогийн талаар мэдээлэл хүргэв.  

Сэтгэгдэл:  

Хувьцаа эзэмшигч Ж.Баатар: Газар шим үйлдвэр ХК-н хувьцаа эзэмшигчийн төлөөллөөр очиж үйлдвэрлэлийн үйл ажиллагаатай танилцлаа. Маш их баярлалаа. Та нар маань аргагүй л мундаг хөдөлмөрч хамт олон байна.Эх орныхоо хөрсөнд ургуулсан шимтэй ногоог ард түмэндээ боловсруулан хүргэдэг та бүхний ажил үйлсийн дардан зам улам гялалзан байхын ерөөл тавъя. Баярлалаа 

Хувьцаа эзэмшигч Б.Ганбаяр :Сайн байна уу?  Манай үндэсний үйлдвэрлэгч Газар шим үйлдвэр ХК-н хувьцаа эзэмшигч бөгөөд хэрэглэгчдээ хүлээн авч үйлдвэрийн үйл ажиллагаатай танилцуулж байгаа нь цаг үеэ олсон зөв арга хэмжээ юм. Хэрэглэгчийн зүгээс бол юуг яаж үйлдвэрлээд бидний гарт ирж байгааг өөрийн нүдээр харсан нь бүтээгдэхүүний чанарт итгэх итгэлийг нэмэгдүүлж цаашид өдөрт тутамдаа байнга хэрэглэх нь зөв гэдэгт итгэлтэй болж байна. Миний хувьд хамгийн их таалагдсан зүйл бол лабортори маань итгэмжлэгдсэн бөгөөд орчин үеийн техник технологиор бүрэн хангагдсан нь бүтээгдэхүүний чанартай байдлаас гадна гадаад зах зээлд гарахад нэр төрийн баталгаа болоход хамгийн чухал зүйл юм. 

Хувьцаа эзэмшигч Д.Батсайхан: Хүлээж авсан бүх хүмүүс сэтгэлээсээ хандсанд талархаж байна. Ажилтнууд нь сэтгэл зүтгэлтэй ажиллаж байгааг харахад сайхан байлаа.Баярлалаа 

Манай компанийн үйлдвэрийн үйл ажиллагаатай танилцсан та бүхэндээ чин сэтгэлээсээ талархаж байна.Дараагийн үйлдвэртэй танилцах аялалд та ч оролцох боломжтой гэдгийг дуулгахад таатай байна.  

Газрын шимээр амьдралд амт нэмнэ. 

Үйл явдал
Үйл явдалbyByambajargal

“Артишок” ургамлын үрсэлгээг амжилттай суулгаж дууслаа

Газар шим үйлдвэр ХК нь 2007 оноос эхлэн хүнс, хөдөө аж ахуйн эрдэмтэдтэй хамтран Монгол оронд таримал артишокыг нутагшуулах эрдэм шинжилгээний ажлыг Экологи хөгжил ТББ-тай хамтран Артишок Монголд хөтөлбөрийг санаачлан баталсан юм. Уг хөтөлбөрийн хүрээнд Сэлэнгэ аймгийн Мандал суманд “Артишок” ургамлыг тарьж ургуулан 2011 онд Артишок эрүүл мэндийн ундааг үйлдвэрлэн зах зээлд гаргаж эхэлсэн юм. Ийнхүү Газар шим үйлдвэр ХК нь 2007 оноос эхлэн одоог хүртэл Артишок эрүүл мэндийн ундааны гол түүхий эд болох Артишок ургамлыг монгол орныхоо хөрсөнд тарьж ургуулан түүгээрээ бүтээгдэхүүнээ үйлдвэрлэн хэрэглэгчдэдээ хүргэсээр байна.

Артишок ургамлын тариалалт нь тухайн жилийн байгаль, цаг уурын нөхцөл байдлаас хамааран 5-6 сард тариалагдаж, 9 сарын сүүлчээр хураалт явагддаг. Харин 10 дугаар сард хураан авсан Артишокыг байгалийн аргаар хатааж, түүний дараа бэлэн бүтээгдэхүүн болох Артишок эрүүл мэндийн ундааг үйлдвэрлэн гаргадаг байна.

Артишок ургамлыг жилд дунджаар 1,5-2 га газар талбайд 9,000-10,000 үрсэлгээг суулгацаар тариалж 370-400 кг артишок хураан авдаг аж.

Тэгвэл энэ жилийн хувьд 2 га газар талбайд 10,000 үрсэлгээг суулгацаар тариалсан ба 500 кг артишок хураан авах төлөвлөгөөтэй ажиллаж байгаа хэмээн Агрономич С.Одгэрэл онцлон ярилаа.

Үйл явдал
Үйл явдалbyByambajargal

“Газар шим үйлдвэр” ХК-ийн хувьцаа эзэмшигчдийн ээлжит хурал 2025 оны 4-р сарын 19-ний өдөр амжилттай зохион байгуулагдлаа

“Газар шим үйлдвэр” ХК-ийн хувьцаа эзэмшигчдийн ээлжит хурал 2025 оны 4 сарын 19-ний Бямба гарагт 11:00 цагт цахим болон танхимын хосолсон хэлбэрээр амжилттай зохион байгуулагдсан юм.

Газар Шим Үйлдвэр ХК-ийн хувьцаа эзэмшигчдийн ээлжит хуралд 57 хувьцаа эзэмшигч нийт саналын эрх бүхий хувьцааны 67.1%-ийн ирцтэйгээр хуралд оролцлоо.

Хурлаар дараах 5 асуудлыг танилцуулж, санал хураан шийдвэрлэлээ.  

  1. Компанийн 2024 оны аудитлагдсан санхүүгийн тайлан болон үйл ажиллагааны тайланг танилцуулж хэлэлцэн батлах;
  2. Компанийн ТУЗ-ийн 2024 оны ТУЗ-ийн үйл ажиллагааны тайланг танилцуулж хэлэлцэн батлах;
  3. Компанийн 2024 оны үйл ажиллагаа, санхүүгийн тайлангийн талаарх ТУЗ-ийн дүгнэлтийг хэлэлцэн батлах;
  4. Компанийн ТУЗ-ийн 2025 оны төсвийг батлах;
  5. Компанийн дүрмийн төсөлд өөрчлөлт оруулах асуудлыг хэлэлцэж батлах асуудлууд байсан юм.

Дээрх хэлэлцсэн асуудалд хуралд оролцсон нийт хувьцаа эзэмшигчдийн 99.99% санал өгч, нийт хувьцаа эзэмшигчдийн 99.999% зөвшөөрсөн байна. Ийнхүү санал хураалт дуусаж, хэлэлцсэн асуудлуудыг баталж дууссан юм.

Хуралд оролцсон нийт хувьцаа эзэмшигчдэдээ талархал илэрхийлье.

1 2 3