Өргөст хэмх даршлах

Орц:

• Өргөст хэмх 2 кг
• Ус 2 л
• Сахар 60 гр
• Давс 60 гр
• Уксус /70%/ 20 гр

Нэг шилэнд:

• Сонгино 1 цагираг
• Сармис 1 хумс
• Гоньд 3 гр
• Хар үрлэн перец 3 ш
• Лаврын навч 1 ш

Хийх арга:

1. Өргөст хэмхээ задгай талбайд ургасан жигд ногоон өнгөтэй, хатуу  биетэй 8-12 см урттай, 4-6 см өргөн хэмжээтэйг сонговол зохимжтой.
2. Өргөст хэмхээ хүйтэн усанд 3-6 цаг дэвтээнэ. Ишийг нь тайран авч зөөлөн үстэй сойзоор ишний хэсэг болон их биеийг угаана.
3. Шил таглааг жигнүүр дээр 5 минут ариутгана. Орох амтлагч тус бүрийг зургийн дагуу хэрчинэ.
4. Шилэндээ орцын дагуу амтлагчаа хийнэ. Амтлагчтай шилэнд өргөст хэмхээ дүүртэл савлана.
5. Уусмалын усаа буцалгаад орцын дагуу найруулна. Уусмалаа шилний амсраас 1 см зайтай хүртэлх хэмжээнд дүүргэнэ.
6. Таглаагаа гараар таглана. Дараа нь өргөст хэмхээ жигнүүр дээр  тавьж 20 минут ариутгана. 0,7 л шилтэйг 15 минут, 1 л шилтэйг 20 минут жигнэж ариутгана.
7. Ариутгалын дараа гаргаад суларсан таглааг гүйцээж чангална. Доош харуулж хөргөнө.

Эрчүүдийг байлдан дагуулах 38 жор-с