Өргөст хэмхний хүйтэн шөл

Орц: 2 хүн

• Шинэхэн цагаан талхны үйрмэг  3 х/х
• Амтат чинжүү 1 ш
• Ногоон сонгино 1 багц
• Өргөст хэмх 1 кг
• Ногооны шөл 1,5 аяга
• Сармис 1 хумс
• Давс
• Нунтаг улаан, хар перец

Хийх арга:

1. Чинжүүг угаагаад үртэй голыг нь салгаж цэвэрлээд том томоор хэрчинэ. Өргөст хэмхийг угаагаад хальсалж шоо хэлбэртэй хэрчинэ. Сонгино сармисыг угааж хальслаад жижиглэж хэрчинэ.
2. Өргөст хэмх чинжүү сонгиныг нийлүүлээд ½ хэсгийг блендэрт хийж дээр нь 1 аяга шөл нэмж нухашлана. Том саванд ногооны нухашийг хийгээд дээр нь талхны үйрмэг нэмж хутгана.
3. Үлдсэн шөл болон ногоо сармисыг нэмж хийгээд давс перецээр амталж хутгаад порцлон таваглана.

Гэр гэртээ тогооч сэтгүүл №07 /2013/