Өргөст хэмхний кимчи

Орц:

• Огурцы 6 ш
• Нарийхан, савхан болгож хэрчиж бэлтгэсэн лууван ¼ стакан
• Сонгино ¼ стакан
• Ногоон сонгино 3 ш
•  2 см урттай хэрчиж бэлтгэсэн мангир 2 стакан
• Сармис 2 ш
• Загасны тос ¼ стакан
• Чинжүү /халуун/ 1 стакан
• Сахар 1 амны халбага
• Давс 1 стакан

Хийх арга:

1. Ө/х-ээ угаагаад 2 талыг нь авч хаяна. Долоовор хурууны хэмжээтэй, урттай болгон (ерөнхийдөө 3 тэнцүү) хуваана. Ингэж хуваасан өргөст хэмхээ модон дээрээ уртааш нь хэвтүүлж байгаад хэрээслэн зүснэ. Гүйцэд хэрчихгүй шүү. Энэхүү үйлдлийг хийсэний дараа нэг тал нь 4 салаалсан, нөгөө тал нь бүтэн ө/х-тэй болно.
2. Дээрх маягаар бэлтгэсэн өргөст хэмхээ тал стакан давстай холиод 30 минут орчим байлгана.
3. Томхон саванд 1/4 стакан загасны тос, тал стакан халуун, улаан чинжүү,  нухаж бэлтгэсэн 2 хумс сармис, 1 амны халбага сахараа холиод хутгана.
4. 2 см орчим болгон хэрчсэн мангираа (2 стакан), 3 ш уртааш нь нэг хуваан 2 см урттай хэрчиж бэлтгэсэн ногоон сонгино, нарийхан хэрчиж бэлтгэсэн лууван, нарийхан хэрчсэн сонгино, 2 хумс сармистайгоо холино. Улаан чинжүүний бэлдмэл дээрээ нэмээд халбагаар сайтар хутгана.
5. Өргөст хэмхээ шүүгээд, угаагаад резинен бээлий өмсөн бэлтгэсэн амтлагч, сонгины бэлдмэлээ өргөст хэмхний салаалсан хэсэг рүү чихээд, агаар оруулдаггүй саванд хийн хадгална. Ингэж бэлтгэсэн кимчиг тэр даруй идэж болно.

Хоол.мн-с