Цагаан мөөг, бяслагтай шөл

Орц:

• Цагаан мөөг 50 гр
• Төмс 700 гр
• Бяслаг 400 гр
• Лууван 150 гр
• Сонгино 150 гр
• Давс, перец

Хийх арга:

1. Хатаасан мөөг ашиглах бол 30 минут орчим халуун усанд дэвтээнэ. Дараа нь дунд зэргийн хэмжээтэй хэрчинэ.
2. Тогоонд 3 литр ус хийж, дээр нь хэрчсэн мөөгөө нэмж, 30 минут буцалгана. Сонгиныг урт нарийхан хэрчиж, луувангаа үрүүлээр үрнэ. Төмсийг мөн дунд зэргийн хэмжээтэй хэрчинэ.
3. Тогоотой мөөгөн дээр хэрчсэн төмс нэмж 4 минут орчим буцалгана. Дараа нь сонгино, луувангаа хийнэ. 10-15 минут буцалгасны дараа бяслагаа хийгээд давс, перецээр шөлөө амтална. Шөлөө буцалгахдаа үе үе хутгана. Бэлэн болсон шөлөн дээгүүр ногоон сонгино хэрчиж тавина.

Ням гариг сэтгүүл №10 /2012/