ricesaladОрц: 4-6 порц

  • Тахианы мах 500 гр
  • Ургамлын тос 3 х/х
  • Цагаан будаа 200 гр
  • Амтат чинжүү 3 ш
  • Сонгино 2 ш
  • Шар буурцгийн цуу 5 х/х
  • Давс, перец, ногоон вандуй

Хийх арга:

  1. Тахианы махыг урт нарийхан хэрчиж саванд хийгээд 2 х/х ургамлын тос, амтлагч нэмж сайтар хутгаад 15 минут тавина.
  2. Будааг буцалж буй давстай усанд чанаж болгоод шүүж бага зэрэг хөргөнө. Сонгиныг хальсалж цэвэрлээд тал цагариг хэлбэртэй хэрчинэ. Чинжүүг угааж үрийг нь цэвэрлээд том томоор хэрчинэ.
  3. Хайруулын тавганд тахианы махаа хийгээд хүчтэй гал дээр 5 минут шараад өөр саванд хийж таглана.
  4. Уг хайруулын тавганд сонгино, чинжүү, 1 х/х ургамлын тос хийж 4-5 минут хуураад тахианы мах, шар буурцагийн сүмс нэмж хутгаад  дахин 2-3 минут жигнэнэ.
  5. Салатны тавганд ногоотой тахианы махаа таваглаж дээгүүр нь давс , перец цацаж хутгаад, ногоон вандуй, яншуй зэрэгээр чимэглэж агшаасан будаа хачирт нь дагуулж өгнө.

Гэр гэртээ тогооч сэтгүүл №01 /2013/