Тоорын компот

Орц:

• Тоор 1 кг

Уусмалд: /1 л усанд/

• Сахар 300 гр
• Гарц 2 шил /720 гр шилэнд/

Хийх арга:

1. Жимсээ сонгохдоо нэгэн жигд хэмжээтэй болц нь гүйцсэн хэт зөөлрөөгүйг сонгоно. Сонгосон жимсээ урсгал усаар сайтар угаана. Буцалж буй усанд 3 минут байлгаад шүүлтүүрээр шүүж авна.
2. Шүүсэн жимсээ хүйтэн усанд 5-10 минут сойгоод  жимсээ хутгаар дундуур нь хуваана. Хүйтэн усанд сойсны дараа хальсыг нь гараар хуулахад амархан салдаг.
3. Хальслаад савлахад бэлэн болгосон байна. Компотны уусмалаа орцын дагуу найруулна. Дараа нь аль болох үзэмжтэйгээр угааж ариутгасан шилэндээ савлана.
4. Савласан жимсэн дээрээс уусмалаа хийгээд ариутгаж бэлтгэсэн таглаагаар таглана. Тагласан компотоо жигнүүрт зөөлөн гал дээр 20 минут ариутгана.

Эрчүүдийг байлдан дагуулах 38 жор-с