Рататуй /Ratatouille/

Орц:

• Шар өнгийн амтат чинжүү 2-3 ш
• Хурган гуа 5 ш
• Цэцэгт байцаа 1 багц
• Хаш ногоо 2 ш
• Сонгино 4 хумс
• Ургамлын тос, давс, перец

Хийх арга:

1. Эхлээд сүмс бэлтгэнэ. Цэцэгт байцааг хүйтэн усаар угааж, сэврээсний дараа чанана. Сонгиныг хальслаад, цагираг хэлбэртэй хэрчиж ургамлын тос хийн халаасан хайруулын тавагт шарна.
2. Чанасан цэцэгт байцаа, шарсан сонгино болон улаан лоолийг холигчид хийж нухаш болгоно. Давс, перецээр амтлана. Сүмс бэлэн болсон тул ногоогоо бэлтгэнэ.
3. Хаш ногоо, амтат чинжүү, хурган гуа болон улаан лоолио нимгэвтэр дугуй хэлбэртэй жигдхэн хэрчинэ.
4. Шарах шүүгээнд хийх шаазан тавагтаа сүмсээ хийн жигд тараагаад дээр нь хэрчсэн ногоогоо дараалалтай, үзэмжтэй харагдахаар нямбай өрнө.
5. Бүх ногоог өрсний дараа яг л цэцэг шиг харагдаж байх учиртайг санаарай. Бэлэн болсны дараа бяцалсан сармистай хутгасан чидун жимсгэй тос цацаад, давс, перецээр амтлаад шарах шүүгээнд хийнэ.
6. 180 хэмд халаасан шарах шүүгээнд ойролцоогоор нэг цаг жигнэнэ. Гаргаж ирээд ширээнд тавихаасаа өмнө үрсэн бяслаг цацвал илүү амттай болно.

Weekend сэтгүүл №23 /2013/