Ногоотой Шпагетти

Орц: 4 хүн

• Лууван 1 ш
• Улаан сонгино 1 ш
• Сельдерь 150 гр
• Сармис 1 хумс
• Оливийн тос 2 халбага
• Бекон 50 гр
• Татсан мах 300 гр
• Махны шөл 150 мл
• Лаазалсан томат 400 гр
• Давс, нунтаг хар перец
• Бөөрөнхий хар перец 1 х/х
• Шпагетти 400 гр

Хийх арга:

1. Луувангаа жижиг дөрвөлжин, сонгино сармисаа жижиглэн хэрчинэ. Мөн сельдерийг хэсэгчлэн хэрчинэ.
2. Гүнзгий саванд оливийн тосоо халаагаад сонгино сармисаа шаргал болтол шарна. Беконоо хэрчээд сонгино, сармис дээрээ нэмж хийгээд 5 минут шарна. Дээрээс нь лууван, сельдерээ хийж бага зэрэг шарна.
3. Шарсан ногоо руугаа татсан махаа хийж 5 минут хутгаж шарна. Дээр нь шөлөө хийгээд томатоо нэмнэ. Давс, перцээр амтлаад дахин 20 минут жигнэнэ.
4. Шпагеттиг их хэмжээний давстай усанд чанаад зайлна. Гоймонгоо махан дээрээ тавиад 3 минут халаагаад таваглана.

100 шилдэг хоолны жор-с