zurag16Орц: 2 шил /0,5 гр/

  • Байцаа 1 ш
  • Амтат чинжүү 2 ш
  • Улаан сонгино 2 ш
  • Нимбэг 2 ш
  • Алимны уксус 300 мл
  • Хүрэн сахар 200 гр
  • Нунтаг цагаан гаа 1 ц/х
  • Нунтаг гич 1 ц/х
  • Бөөрөнхий анхилуун перец 1 ц/х
  • Далайн давс 2 х/х

Хийх арга:

  1. Байцааны гадуур хальсыг хальсалж хаяад, жижиглэж хэрчинэ. Амтат чинжүүг таллаж хэрчээд үртэй голыг нь салгаж цэвэрлээд урт нарийхан хэрчинэ.
  2. Сонгиныг хальслаад тал цагираг хэлбэртэй хэрчинэ. Нимбэгний хальсыг маш нимгэн хальсалж аваад, шүүсийг нь шахаж гаргана.
  3. Бүх ногоо болон нимбэгний хальсыг саванд хийгээд дээр нь давс, нимбэгний шүүс цацаж хутгаад таглаж, сэрүүн газарт 1 цаг тавина. Дараа нь хөргөгч рүү хийж 3-6 байлгана.
  4. Бөөрөнхий перецийг ууранд хийж нүдэж нунтаглана. Саванд сахар болон бусад амтлагчдаа хийгээд дээр нь уксус нэмж хутгаад буцалгана.
  5. Давсалж амталсан ногооны шүүсийг нь сайтар дарж нухаж гаргаад, буцалж буй амтлагчтай усан дээр хийж хутгаад зөөлөн гал дээр 10 минут чанана.
  6. Галыг нь нэмээд буцалмагц нь шилнүүдэд хуваан хийж таглана. Энэхүү дармалыг 2 хоногийн дараа хачир мөн махны хачир маягаар хэрэглэж болно.