Мөөгтэй шөл

Орц: 6 хүн

• Тахианы шөл 6 л
• Мөөг 450 гр
• Урт шош 150 гр
• Төмс 6 ш
• Лууван 1 ш
• Сонгино 1 ш
• Ургамлын тос 6 х/х
• Ногоон сонгино 50 гр
• Өндөгний шар 2 ш
• Цөцгий 4 х/х
• Жижиглэж хэрчсэн яншуй 2 х/х
• Лаврын навч 1 ш

Хийх арга:

1. Төмс, лууван, сонгиныг хальсалж цэвэрлээд шоо хэлбэртэй хэрчиж 3 х/х тосонд шоштой нийлүүлж хуурна.
2. Хуурсан ногоон дээр халуун шөл нэмж хийгээд лаврын навч, давс, перец нэмж зөөлөн гал дээр 20 минут жигнэнэ.
3. Ногоон сонгиныг жижиглэж хэрчинэ.
4. Мөөгийг угаагаад үлдсэн тосонд хуурч давс, перецээр амтлаад ногоон сонгины хамт шөлөн дээр нэмж хийгээд зөөлөн гал дээр 15 минут чанана.
5. Өндөгний шарыг цөцгий, яншуйтай нийлүүлж хутгаад шөлөн дээрээ нэмж хийгээд халаана.

Гэр гэртээ тогооч №09 /2013/