Мөөгтэй гахайн мах

Орц: 4 хүн

• Сонгино 1ш
• Сармис 1 хумс
• Ногоон сонгино 4ш
• Мөөг 500 гр
• Гахайн мах 600 гр
• Шар буурцгийн тос, давс, нунтаг хар перец
• Чихэргүй, тослог багатай аарц 200 гр
• Чили чинжүү
• Шөл 250 мл

Хийх арга:

1. Сонгино, сармисыг хальслаад жижиглэж хэрчинэ. Ногоон сонгиныг угаагаад цагираг хэлбэртэй хэрчинэ. Мөөгийг угаагаад нимгэн хавтгай хэрчинэ. Махыг урт нарийхан хэрчиж бэлтгэнэ.
2. Хайруулын тавганд 2 хоолны халбага тос хийж халаагаад хүчтэй гал дээр махаа шаргалттал нь шараад давс, перецээр амтаа тааруулж өөр саванд хйигээд мөнгөлөг цаасаар амсарыг нь битүүлж өгнө.
3. Сонгино сармисыг мах шараад үлдсэн тосонд хөнгөхөн хуураад махан дээр нэмж хийнэ. Аарцыг чили болон хар перецээр амтална.
4. Хайруулын тавганд тос хийж халаагаад мөөгөө хийж тасралтгүй хутгаж хуурах бөгөөд ногоон сонгино нэмж хэсэг хуурна. Шөлөн дээр аарц нэмж хэсэг хутгаад мөөг, сонгино дээр нь нэмж хийгээд 2 минут орчим жигнэнэ. Дараа нь мах, сонгиноо нэмж ахин хэдэн минут жигнээд давс, перецээр амтаа тохируулна.

TVzone сэтгүүл №253