Кофетой бялуу

Орц:

• Гурил  120гр
• Үрлэн  кофе 1х/х
• Өндөг  3ш
• Нунтаг сахар  100гр
• Цөцгийн тос  0,5ц/х

Кремэнд:

• Зөөлөн бяслаг  120гр
• Зөгийн бал  1х/х
• Кофений ликёр  1х/х
• Үрсэн шинэхэн цагаан гааны үндэс

Чимэглэлд :

• Нунтаг сахар  100гр
• Нимбэгний шүүс  1,5х/х
• Өндөгний цагаан уураг  1ш
• Нунтаг какао  1ц/х

Хийх арга:

Зуурмаг бэлтгэхдээ:

1. Үрлэн кофег нунтаглаж, гурилны хамт шигшинэ. Өндгийг нунтаг сахартай нийлүүлж жигдэртэл нь зуураад дараа нь кофетой гурилаа нэмж сайтар зуурна.
2. Шарах шүүгээг 190 хэм хүртэл халаана. 20см-ийн диаметртэй тэвшийг цөцгийн тосоор тосолж зуурмагаа хийгээд 30-35 минут жигнэнэ. Бэлэн болсон суурийг гаргаад сараалж төмөр дээр гаргаж хөргөнө.

Крем бэлтгэхдээ:

1. Бяслагийг зөгийн балны хамт сайтар зуураад ликёр,цагаан гаа нэмж хутгана.
2. Бялууны суурийг 2 хувааж бэлтгэсэн кремнээсээ битүү түрхэж давхарлан тавина.

Чимэглэл бэлтгэхдээ:

1. Нунтаг сахарыг өндөгний цагаан уураг,нимбэгний шүүстэй нийлүүлж сайтар зуураад ¾ хэсгийг бялууны дээд хэсгийг нь бялууны дээд хэсэгт битүү түрхэж өгнө.
2. Үлдсэн хольцонд какао нэмж хутгаад крем шахагчинд хийж бялуун дээгүүр гоёмсог хээ гарган шахаж үрлэн кофе тавьж чимэглэнэ.

Гэр гэртээ тогооч №08 /2013/