Итали сэндвич

Орц: 4 порц

• Чанасан өндөг 3-4 ш
• Гахайн утсан мах 100 гр
• Сэндвичны талх 8 зүсэм
• Улаан лооль 2 ш
• Салатны навч 8 ш
• Хавтгай бяслаг 200 гр
• Түрхдэг бяслаг 50 гр
• Бүтнээр нь чанасан төмс 2 ш
• Амталсан майонез  4 х/х
• Жижиглэж хэрчсэн яншуй 4 х/х
• Давс, перец

Хийх арга:

1. Талхны зүсэм бүрийг диагональ хэрчиж хуваана. Лоолийг угаагаад цагираг хэлбэртэй хэрчинэ.
2. Төмс, өндгийг хальслаад цагираг хэлбэртэй хэрчинэ. Салатны навчийг угааж хатаана.
3. 4 ш гурвалжин талхан дээр зөөлөн бяслаг түрхэж лооль тавиад дараа нь төмс, хэрчим бяслаг тавиад дээгүүр нь маш зузаан үе байхаар яншуй тавьж перец цацна. Дахин 4 ш гурвалжин талх аваад зөөлөн бяслаг түрхээд яншуйн дээр тавьж, ногоотой сэндвич бэлэн болно.
4. 4 ш зүсэм талхан дээр 1-2 ш салатны навч, 2-3 зүсэм гахайн мах тавиад дээр нь өндөг тавьж, давс цацна. Үлдсэн 4 зүсэм талхан дээр амталсан майонез зузаан түрхээд дээр нь тавьж махтай сэндвич бэлэн болно.

Гэр гэртээ тогооч сэтгүүл № 02 /2013/