Гүйлсний компот /Абрикос/

Орц:

• Абрикос 1 кг

Уусмалд: /1 л усанд/

• Сахар 300 гр
• Лимоны хүчил 5 гр

Хийх арга:

1. Компотны абрикос жимсийг сонгохдоо бүрэн гүйцэт боловсроогүй, зөөлрөөгүй жимсийг сонгон хэрэглэнэ.  Ямар нэгэн гэмтэлгүй байна. Ишнээс нь салгаж урсгал усанд угааж механик бохирдолыг цэвэрлэнэ.
2. Буузны жигнүүр дээр 3-5 минут жигнэнэ. Ууранд жигнэсний дараа хүйтэн усанд 5 минут сойно. Хутгаар жимсээ голоор нь хувааж, яснаас нь нэг бүрчлэн салгана.
3. Шил  таглаагаа угааж буузны жигнүүрт 5 минут жигнэж ариутгана. Жимсээ ариутгасан шилэндээ аяархан хийж савлана. Усаа буцалгаж бүлээн болтол нь хөргөөнө.
4. Уусмал найруулахдаа буцалсан усан дээр орцын дагуу сахараа хийнэ. Сахараа хийж хутгасны дараа лимоны хүчлийг орцын дагуу хийнэ.
5. Савласан жимсэн дээрээ найрууулсан уусмалаа хийнэ. Уусмал хийгээд халуунаар нь таглана. Буузны жигнүүрт 15-20 минут жигнэж ариутгана.Ариутгалаас гаргаад доош нь харуулж хөргөөнө.

Эрчүүдийг байлдан дагуулах 38 жор-с