“Газар шим үйлдвэр” ХК нь FSSC Version 6 системийн баталгаажуулалтыг хэрэгжүүлэхээр 2026 оны 04-р сарын 02-ны өдөр зөвлөх үйлчилгээний гэрээнд гарын үсэг зурлаа.“Газар шим үйлдвэр” ХК нь үйл ажиллагаандаа олон улсын хүнсний аюулгүй байдлын тогтолцоог үе шаттайгаар нэвтрүүлэх зорилтын хүрээнд FSSC 22000 стандартыг хэрэгжүүлэхээр “Alpha Quality Expert” аудит, зөвлөх үйлчилгээний компаниас зөвлөх үйлчилгээ авч хамтран ажиллах юм.
Хамтын ажиллагааны хүрээнд “Alpha Quality Expert” компани нь FSSC 22000 стандартын шаардлагыг үйлдвэрийн үйл ажиллагаанд нэвтрүүлэх, дотоод тогтолцоог боловсронгуй болгох, эрсдэлийн үнэлгээ хийх, баримтжуулалт болон аудитын бэлтгэл ажлыг мэргэжлийн түвшинд зөвлөн хэрэгжүүлэх юм.
FSSC 22000 стандарт нь хүнсний аюулгүй байдлын удирдлагын олон улсын хэмжээнд хүлээн зөвшөөрөгдсөн тогтолцоо бөгөөд үйлдвэрлэлийн бүх үе шатанд хүнсний аюулгүй байдлыг хангах, эрсдэлийг бууруулах, хэрэглэгчдэд чанартай, аюулгүй бүтээгдэхүүн хүргэхэд чиглэдэг.
“Газар шим үйлдвэр” ХК нь энэхүү стандартыг нэвтрүүлснээр:
- Үйлдвэрлэлийн дотоод хяналт, чанарын удирдлагыг сайжруулах
- Хэрэглэгчийн итгэл, сэтгэл ханамжийг нэмэгдүүлэх
- Зах зээлийн өрсөлдөх чадварыг өргөжүүлэх чухал ач холбогдолтой гэж үзэж байна.
Тус хамтын ажиллагаа нь компанийн урт хугацааны тогтвортой хөгжил, чанар аюулгүй байдлын бодлогыг шинэ түвшинд хүргэх чухал алхам болж байгаагаараа онцлог юм. Цаашид “Газар шим үйлдвэр” ХК нь олон улсын стандарт, шилдэг туршлагыг үйл ажиллагаандаа нэвтрүүлэн хэрэглэгчдэдээ найдвартай, чанартай бүтээгдэхүүн хүргэх зорилтын дор тасралтгүй хөгжиж ажиллах болно.
Газрын шимээр амьдралд амт нэмнэ.