Базилик, улаан лоольтой пицца

Орц: 2 порц

• Урьдчилан бэлтгэсэн пиццаны зуурмаг
• Хэрчсэн улаан лооль 125 гр
• Давс
• Нунташ хар перец
• Улаан перец
• Шар болон улаан лооль 200 гр
• Үйрүүлсэн пармезан бяслаг 30 гр
• Хатуу бяслаг 80 гр
• Базиликны /ургамал/ мөчир 4 ш

Хийх арга:

1. Зуурмагыг хуурай гурил цацсан ванданд 18 см-ын диаметртэй 2 ширхэг дугуй болгож элдэнэ. Тэвшинд зориулалтын шарах цаас дэвсээд дээр нь элдсэн зуурмагаа тавина.
2. Зуурмагын захын хэсгийг өндөрлөж хүрээ гаргаж өгнө. Хэрчсэн улаан лоолийг жижиг саванд хийж хүчтэй гал дээр буцалгаад давс, хар улаан перец хийж хутгаад элдсэн зуурмаг дээр битүү  түрхэж өгнө.
3. Шарах шүүгээг 220 хэм хүртэл халаана. Лоолийг угаагаад сэрээгээр хэд хэд хатгаж өгөөд зуурмаг дээгүүр тараан тавьж давс, перец цацна. Хатуу бяслагыг үрүүлд үрээд пармезаны хамт цацаж өгнө.
4. Тэвшийг шарах шүүгээний хамгийн доод тавиурт  тавиад 20 минут жигнэнэ. Бэлэн болсон пиццан дээгүүр базилканы жижиглэсэн навч цацаж халуунаар нь зооглоорой.

Гэр гэртээ тогооч сэтгүүл №12 /2012/