Амтат чинжүү даршлах

Орц:

• Чинжүү 2 кг

Уусмалд:  1 литрт

• Давс 25 гр
• Сахар 25 гр
• Уксус 5 гр /70%/

Амтлагч: 1 шилэнд

• Сонгино 1 цагираг хэрчим
• Сармис 1 хумс
• Гоньд 3 гр
• Хар үрлэн перец 3-5 ш
• Лаврын навч 1 ш

Хийх арга:

1. Чинжүүгээ сонгоно. Сонгохдоо нэгэн жигд тод өнгөтэйг сонгоно. Болж өгвөл амтат чинжүү нь хүрэн улаан өнгөтэй байвал зохино.
2. Чинжүүгээ ишний хэсгээр 2 хуваагаад үр болон доторх цайвар махлаг хэсгийг авна. Арилгасан чинжүүгээ усанд дэвтээж, урсгал усанд угаана.
3. Угаасан шил таглаагаа жигнүүрт 5 минут ариутгана.
4. Амтлагчаа бэлтгэхдээ сонгино 1 цагираг, лаврын навч 1 ш, гоньд 1 багц, үрлэн перец 3-5 ш, сармис 1 хумс хийнэ.
5. Уусмал бэлтгэхдээ усаа буцалгаж 1 литр усанд давс 25 гр, сахар 25 гр, уксус /70%/ 5 гр-г хийж сайтар хутгаж найруулна.
6. Чинжүүгээ амтлагч хийж бэлтгэсэн шилэндээ савлаж, уусмалаа хийнэ. Уусмал шилний амсараас 0,5 см зайтай дутуу хийнэ.
7. Уусмал хийсний дараа ариутгасан таглаагаар таглана. Буузны жигнүүр дээр тагласан ногоогоо тавьж 20 минут жигнэж ариутгана. Хэрэв шилтэй ногоо жигнүүрээс илүү гарвал дээр нь түмпэн хөмөрнө.
8. Бэлэн болсон бүтээгдэхүүнээ таглааг нь чангалж, доош харуулж хөргөөнө.

Эрчүүдийг байлдан дагуулах 38 жор, Ц.Төгсөө, 2007