Амралтын өдрийг та бүхэн гэр бүлээрээ ая тухтай өнгөрүүлж  байна уу. Эрхэм уншигч та бүхэндээ зориулан  амралтын өдөр хийх амттай хоол болох Булгоги/Bulgogi Jungol/ буюу амталсан махтай ногоотой шөлний жорыг танилцуулж байна. 

Булгоги нь солонгосын алдартай хоол бөгөөд олон хүн “Солонгос барбекю” гэж орчуулдаг.

Энэ хоол нь 2 жортой бөгөөд нэг нь шарсан үхрийн мах, хоёр дахь нь булгоги шөл (“жунгол”) юм. Өнөөдөр танд энэ 2 жорыг танилцуулах болно.

Орц:

• 900гр үхрийн цул мах
• соё соус, элсэн чихэр, зөгийн бал, саримс, сонгино
• хар перец, гүнждийн тос, гүнждийн үр
• Ясны шөл, мөөг, лууван, ногоон сонгино
• Дүпү, ногоон чинжүү

Булгоги махаа бэлтгэх

1. Үхрийн махандаа зориулж Маринейд соус бэлтгэх:Үхрийн махандаа зориулж Маринейд соус бэлтгэх:

• ½ аяга соё соус
• 1 ц.х хар перец
• ¼ аяга элсэн чихэр
• 12 хумс саримс
• 1 сонгино (буталсан)
• ½ аяга ус
• зөгийн бал 1 халбага

2. Том аяга бэлдэж, түүнд Маринейд соусаа хийнэ.
3. Үхрийн махыг зөөлөн болгохын тулд нимгэн зүснэ. /Үхрийн махыг хөлдөөгчинд хэдэн цаг байлгавал зүсэхэд хялбар болно/
4. Хэрчсэн үхрийн махыг маринейд руу хийж, 1 эсвэл 2 халбага гүнждийн тос хийж, бага зэрэг гүнждийн үр нэмнэ. Үүнийг гараараа хольж, хөргөгчинд 3-аас доошгүй цаг байлгана.
5. 3 цагийн дараа та махаа зууханд эсвэл хайруулын тавган дээр шарж болно.

Харин одоо

Том гүехэн хайруулын тавган бэлдэнэ. Өнгө өнгийн хүнсний ногоо (мөөг, лууван, ногоон сонгино) -ийг дүфүгээр дугуйлж, голд нь байрлуулна.

Ногоон чинжүүг хэрчээд хайруулын тавган дээрх булгоги дээр тавина.

1 лааз үхрийн ясны шөл, 1-2 лааз усыг хольж, хайруулын тавган дээр нэмнэ.

Тагийг нь таглаад 5-10 минутын турш байлгаарай. Усыг нь ширгэтэл нь байлгана. /Бага зэрэг шөлтэй байвал илүү амттай болно/

Ингээд амтат Булгоги бэлэн боллоо. Амархан байгаа биз. Баярлалаа